Muiñeira

Os irmáns e gaiteiros Xosé e Alexandro Temprano Mariñas naceron en Eirís, aínda do Concello de Oza. Foron á escola co xenial escritor das Irmandades, Xosé Fco. Lesta Meis, quen lles transmitiu o seu amor pola nosa Terra. Axiña fundaron un dos primeiros cuartetos d'A Coruña: Os Tempranos de Eirís, de grande sona en toda Galiza.

Do repertorio de Alexandro, quen tamén foi presidente do coro galego Cántigas da Terra, aportamos esta elegante muiñeira.

O pandeiro repenica (xota)

Bernardo del Río, un dos fundadores e primeiro director de Cantigas e Agarimos, compuxo esta xota, "O pandeiro repenica", dentro da súa zarzuela galega "A Lenda de Montelongo". Con libreto de Manuel Rey Pose 
e Xoán Buhígas, a obra abrangue distintos ritmos da nosa música con algúns fraseos ben coñecidos.

Aquí presentamos a adaptación para gaitas deste tema, orixinal para orquestra e coro.

Muiñeira da Fonsagrada

Fermosa muiñeira do repertorio do gaiteiro Emilio Fernández.